हाहाकार

जीवनाचा संघर्ष आता फार झाला
पुन्हा तोच घाव ह्रदयात पार झाला

फुलताना कळीला काट्याचा भार झाला
तोडताना कसा फक्त काट्यावरच वाऱ झाला

रूढी परंपरा पाळून ही एक जीव उंबऱ्यात ठार झाला
नसते झेंगट नको म्हणून वादविवाद फार झाला

केसाने गळा कापताना मनावर प्रहार झाला
इतका प्रयास कामी आला कि नामवंत सुतार झाला

पिढी दर पिढी त्याच जगण्याचा प्रसार झाला
फोडा आम्हास उतरंडीचाही जयजयकार झाला

घेतो जराशी विश्रांती म्हणून कायमचा गार झाला
बघ उघडून डोळे दुनियेत तुझ्या हाहाकार झाला
--मनिषा